राजा आणि हत्ती...

 

राजा आणि हत्तीची गोष्ट  

एका राजाजवळ एक हत्ती होता, राजाला तो हत्ती खुप प्रिय होता. तो हत्ती स्वामीभक्त असण्याबरोबरच चांगला योद्धा होता. जेंव्हा केंव्हा राजाने त्याच्यावर बसुन युद्ध केले तेंव्हा राजा नेहमी जिंकत असे.. 


काही वर्ष गेल्या नंतर हत्ती म्हतारा होत चालला त्यामुळे राजाने त्याला युद्धात घेवून जाणे बंद केले. मात्र राजाचे त्या हत्तीवरचे प्रेम काही कमी झाले नाही, एके दिवसी तो हत्ती सरोवरामध्ये पाणी पीत होता. सरोवरामध्ये पाणी कमी होते त्यामुळे हत्ती त्या पाण्यात पुढे पुढे  गेला आणि चिखलात फसला. 


हत्तीला त्या चिखलामधुन बाहेर निघणे शक्यच नव्हते, त्यामुळे हत्ती जोरजोरात ओरडू लागला. त्याचा आवाज ऐकुन माहूत हत्तीकडे धावत गेला परंतु सरोवरातुन हत्तीला बाहेर काढणे कुणालाही जमेना, तेंव्हा त्यांनी हत्तीच्या  शरीराला भाले टोचायला सुरुवात केली. 


कारण भाल्याच्या टोचण्याने हत्ती सर्व शक्ती लावुन पाण्याच्या बाहेर येणाचा प्रयत्न करेल आणि बाहेर येईल, परंतु हत्ती बाहेर येऊ शकला नाही. भाल्याच्या टोचण्याने हत्तीच्या डोळ्यातून अश्रू येऊ लागले.  राजापर्यंत ही बातमी गेली राजाने तत्काळ त्या हत्तीच्या जुन्या आणि अनुभवी माहुताला बोलवायला सांगितले, थोड्या वेळाने माहूत आला, आणि राजाला जाऊन भेटला 


जुन्या माहुताने राजाला एक सल्ला दिला, तो सल्ला म्हणजे असा की, महाराज तत्काळ युद्धाचे नगारे वाजवा, सैन्य या सरोवराभोवती गोळा करा, आक्रमणाच्या घोषणा सैनिकांना द्यायला सांगा, राजाने त्या माहुताचे म्हणणे लगेच ऐकले आणि युद्धाचे नगारे वाजविण्याचा हुकूम दिला. मग काय थोड्या वेळाने जोर जोरात नगारे वाजू लागले... 


सैनिकांच्या रांगा शिस्तबद्धपणे लागल्या, आक्रमणाच्या घोषणा ऐकू येवू लागल्या त्याचबरोबर हत्तीच्या अंगात सुद्धा युद्धाची एक ताकद निर्माण होत होती. आणि त्या ताकदीमुळे हत्ती विसरून गेला की तो म्हातारा आणि चिखलात फसलेला आहे... 


हत्तीला वाटलं खरंच युद्ध होत आहे, त्यामुळे हत्तीने पुर्ण ताकदीने जोर लावला आणि सरोवरा बाहेर येऊन उभा राहला...  


त्या हत्तीचे मनोबल हे युद्धासाठी तयार झाले होते. राजाने जुन्या माहुताचे आभार मानले आणि त्याला खुप मोठे बक्षीस दिले. 


तात्पर्य :- निराशावादी विचार ठेवल्याने कधीच यश मिळत नाही, सकरात्मक विचारसरणी असल्यास कोणताही व्यक्ती त्याच्या जीवनात यशस्वी होऊ शकतो...


मित्रांनो, आजची प्रेरणादायी गोष्ट तुम्हाला आवडली असेल...  तर तुमच्या मित्रांसोबत गोष्ट नक्की Share करा... 

आणि  

Marathi Motivational Blog वर तुम्ही नवीन असाल तर ब्लॉग पेजला नक्की Follow करा... धन्यवाद 🙏 






टिप्पण्या

टिप्पणी पोस्ट करा

Thanks for feedback

या ब्लॉगवरील लोकप्रिय पोस्ट

*पुस्तकांचे महत्त्व*

इमेज
   *पुस्तकांचे महत्त्व*   * कोणत्याही प्रकारचे पुस्तक लिहिणाऱ्या व्यक्तीला लेखक म्हटले जाते. पुस्तक हे लेखकाची कल्पनाशक्ती, भावना आणि ज्ञान प्रतिबिबित करते. पुस्तकाच्या माध्यमातून लेखक ज्ञानाचा प्रकाश पसरवतात. * पुस्तक लिहिणारे लेखक सुद्धा हे जग सोडून जातात. पण पुस्तक मात्र कायम तसच राहत. पुस्तक हे कोणत्याही लेखकाचे कार्य आणि नाव उज्ज्वल करतं. * आजचे युग हे इंटरनेटचे युग आहे. कोणत्याही विषयाबद्दल माहिती मिळविण्यासाठी इंटरनेट वर जाऊन शोधणे ही एक सामान्य पद्धत आहे. *  इंटरनेट हा ज्ञान प्राप्त करण्याचा एक सोपा मार्ग आहे. परंतु पुस्तकांचे महत्त्व हे आजही कायम आहे. कारण आजही शाळेमध्ये पुस्तकांच्या माध्यमातून शिकवले जाते. आज  कुठूनही पुस्तके खरेदी करु शकतो. *  पुस्तके ही चारित्र्य निर्माण करण्याचे एक उत्तम साधन आहे. पुस्तकातून देशातील ऐक्याचा धडा शिकवता येतो. तसेच पुस्तकाद्वारे आपल्याला नवीन प्रेरणा व दिशा मिळते. म्हणूनच पुस्तके ही ज्ञानाची वाहणारी गंगा आहे. जी कधीच थांबत नाही. परंतु अशी काही पुस्तके आहेत जी आपल्याला चुकीच्या मार्गाने मार्गदर्शन करतात. म्हणू...
अधिक वाचा

स्वतःचा दृष्टीकोन सुधारा

  स्वतःचा दृष्टीकोन सुधारा 👉 एकदा एका कुटुंबाच्या समोरच्या घरात नवीन भाडेकरू राहायला येतात. खिडकीतून त्यांचे दोरीवर वाळत घातलेले कपडे पाहून बायको नवऱ्याकडे तक्रार करते की लोक खूप चांगले आहेत. पण ते कपडे स्वच्छ धुवत नाहीत.  नवरा म्हणतो, साबण संपला असेल  दुसऱ्या दिवशी वाळत घातलेले कपडे पाहून बायको परत तेच वाक्य म्हणते की लोक खूप चांगले आहेत पण ते कपडे स्वच्छ धुवत नाहीत. कदाचित तिला कपडे चांगले धुता येत नसतील.  नवरा ऐकून घेतो असे रोज चालते.  एक दिवस पहाते तर काय चमत्कार एकदम स्वच्छ धुतलेले कपडे पाहून नवऱ्याला म्हणते, अहो ऐकलंत का? समोरच्या वहिनी सुधारल्या, त्यांना कुणीतरी कपडे धुवायला शिकवलेले दिसते. आज कपडे अगदी चकाचक धुवून वाळत घातलेत.  राणी, मी आज सकाळी लवकर उठलो आणि आपल्या खिडक्या साफ केल्या काचा आतुन आणि बाहेरून ओल्या फडक्याने पुसून घेतल्या त्यामुळे तुला ते कपडे स्वच्छ दिसतात. समोरचे नाही आपणच सुधारलोय. आपला दृष्टीकोन स्वच्छ ठेवुन आपण दुसऱ्याकडे पाहिले पाहिजे.
अधिक वाचा

प्रेरणादायी गोष्ट

  👉 मित्रांनो, एका गावात एक धनंजय नावाचा व्यक्ती राहत होता. धनंजय गाई म्हशी पाळत असे... रोज सकाळी गाई म्हशीना चरायला घेऊन जाणे आणि रात्री  घरी आणणे असे त्याचे रोजच काम असे...  धनंजय हा खूप मेहनती होता तसा तो खूप प्रेमळ आणि श्रद्धाळू सुद्धा होता...  👉 धनंजयच्या गावाच्या बाहेर एक टेकडी होती. त्या टेकडीवर महादेवाचे प्रसिद्ध मंदिर होते.  धनंजय रोज सकाळी अंगोळ करायचा आणि देवाचा पाया पडायला जायचा... देव दर्शन करायचा आणि नंतर गाई म्हशी घेऊन रानात जायचा...  एके दिवसी... एक गाय एका सुंदर वासराला जन्म देते.   धनंजय रोजच्या सारखा देव दर्शनसाठी जात असतो... देवाला जाताना त्याची नजर त्या सुंदर वासरावर पडते...  धनंजयला ते वासरू खूप खूप आवडायचे त्यामुळे धनंजय देव दर्शनला जाताना त्या वासराला आपल्या पाठीवर बसुन सोबत घेऊन जायाचा...  👉 असेच दिवसा मागे दिवस जाऊ लागलेत तसेच धनंजय सुद्धा त्या वासराला रोज आपल्या पाठीवर बसुन देवाचे दर्शनसाठी घेऊन जात...  आता, त्या छोट्यासा वासराचे एका मोठ्या बैलामध्ये रूपांतर  झाले होते...  धनंजय जेंव्हा त्या ब...
अधिक वाचा